موسوعة وصفات السلطات

طريقة تحضير معبوج كويتي حار خطوة بخطوة

طريقة عمل معبوج كويتي حار بطريقة سهلة

المقـــــــــادير

2 باذنجان (حجم وسط) مقطعة حلقات بالقشر…ومقلية..ومنشفته من الدهن
ملعقة فلفل احمر حااار (خشن)
ملعقة معجون طماط
2 فص ثوم مقطع صغار
بصلة حجم وسط..مقطعة صغار
2 قرن صغير فلفل اخضر حاااااااار ..مال الهنود
((تقصينه بالطول وتطلعين الحبوب اللي داخله..وانتبهي استعملي السكين بتطليعهم…لانه من حرورته..حتى عقب ماتخلصين وتغسلين ايدينج وتحوشين عينج بتحرقج))
وعقب ماتطلعين الحبوب البيضاء يقطع صغار صغار

نرجع لمحور حديثنا قصدي مقاديرنا

عصير ليمونه
2 ملعقة خل
2 ملعقة زيت زيتون
رشة ملح و فلفل اسود..وملح الليمون (ممكن تستغنين عنه لو ماتحبين

بقدونس مفروم..انا احب يكون تقطيعه كبار

الطــــــــــــــــريقة

بالخلاط

البصل + الثوم + والفلفل الاحمر + الفلفل الاخضر+ معجون الطماط + الليمون + الخل + الزيت + الملح
(( كل المقادير ماعدا الباذنجان والبقدونس))

وعقب خلط المعبوج بالخلاط

تحطين فوقه الباذنجان والبقدونس …وتخلطين الجميع ..تحاولين تحركينه بحذر ..عشان ما تمرسين الباذنجان
لانه بيكون طري جدا

بألف هنا و شفا
مع تحيات موقع صوت الكويت
موقعك المفضل دائما
يسعدنا و جودك معنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى